काठमाडौं, २१ असोज । नेपाली कांग्रेसको १५औँ महाधिवेशनमा सर्लाहीका सोनेलाल साहले केन्द्रीय सदस्य (मधेस प्रदेश तर्फको खुला) तर्फ उम्मेदवारी दर्ता गराएका छन्।
सर्लाहीको चन्द्रनगर गाउँपालिका–१ निवासी साहले मंगलबार काठमाडौंस्थित राष्ट्रिय सभागृह पुगेर केन्द्रीय सदस्य पदमा उम्मेदवारी दर्ता गराएका हुन्।
सर्लाही निर्वाचन क्षेत्र नं. १ बाट उनी चौथोपटक महाधिवेशन प्रतिनिधि बनेका हुन्। यसपटक भने उनले पहिलोपटक पार्टीको केन्द्रीय सदस्य पदमा उम्मेदवारी दिएका छन्।
साह २०३५ सालदेखि नेपाली कांग्रेसको राजनीतिमा सक्रिय रहँदै आएका छन्। लामो राजनीतिक अनुभवलाई पार्टीको संगठन निर्माण र नयाँ पुस्तासँग कांग्रेसलाई जोड्ने अभियानमा उपयोग गर्ने उद्देश्यले आफूले केन्द्रीय सदस्यमा उम्मेदवारी दिएको साहले बताएका छन्।
उनले बदलिँदो राजनीतिक परिवेशमा कांग्रेसले नयाँ पुस्ताको भावना, अपेक्षा र सवाललाई सम्बोधन गर्दै अघि बढ्नुपर्नेमा जोड दिएका छन्। आफ्नो विचार, दृष्टिकोण र राजनीतिक अनुभवलाई पार्टीको केन्द्रीय तहमा प्रभावकारी रूपमा प्रस्तुत गर्न उम्मेदवारी दिएको उनको भनाइ छ।
साहको उम्मेदवारीसँगै सर्लाहीबाट कांग्रेसको केन्द्रीय नेतृत्वमा प्रतिनिधित्वका लागि थप दाबी प्रस्तुत भएको छ। १५औँ महाधिवेशनमा खुला केन्द्रीय सदस्य पदका लागि विभिन्न नेताहरूले उम्मेदवारी दर्ता गराएका छन्।
दशौँ राष्ट्रिय खेलकुद मंसिर ८ देखि, ३२ मध्ये २३ खेल सुर्खेतमै हुने
दीपावलीको मुख्य दिन आज लक्ष्मी पूजा : धन, समृद्धि र सकारात्मक ऊर्जाको कामनासहित घरघरमा दीप प्रज्वलन गरिदै
चाडपर्वलक्षित भिडिआ सन्देशमा प्रभु साहले भने : अहिले सत्य दबिएको र असत्य हाबी छ
६ हजार ५०० खेलाडीको स्वागतमा कर्णाली तयार, दशौँ राष्ट्रिय खेलकुदका लागि सुरक्षा र आवास व्यवस्थापन तीव्र
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन