काठमाडौं, १९ कात्तिक । नेपाल प्रिमियर लिग (एनपीएल) २०२६ अन्तर्गत आज कीर्तिपुरस्थित त्रिवि अन्तर्राष्ट्रिय क्रिकेट मैदानमा दुईवटा महत्त्वपूर्ण तथा प्रतिस्पर्धात्मक खेलहरू आयोजना हुँदैछन्। शीर्ष चारको होड र अङ्क तालिकाको समीकरणका दृष्टिले आज हुने दुवै खेलहरूलाई निकै अर्थपूर्ण रूपमा हेरिएको छ।
आज दिउँसो १२:३० बजे सुरु हुने पहिलो खेलमा लुम्बिनी लायन्स र जनकपुर बोल्ट्स आमनेसामने हुनेछन्। प्रतियोगितामा सन्तुलित खेल पस्कँदै आएको लुम्बिनी र बलियो ब्याटिङ लाइनअप भएको जनकपुर दुवै टोली आज स्पष्ट जित दर्ता गर्दै अङ्क तालिकाको माथिल्लो स्थानमा आफ्नो पकड थप बलियो बनाउने रणनीतिका साथ मैदान उत्रनेछन्।
यसैगरी, आजै अपराह्न ४:३० बजे सुरु हुने दोस्रो खेलमा विराटनगर किङ्स र काठमाडौँ गोर्खाजबीच भिडन्त हुनेछ। प्रतियोगितामा पुनरागमन गर्दै अङ्क तालिकामा स्थिति सुदृढ बनाउने दबाबमा रहेको विराटनगर र लय समात्न खोजिरहेको काठमाडौँ दुवैका लागि आजको खेल अङ्क जोड्ने उत्कृष्ट अवसर मानिएको छ।
मौसम अनुकूल रहेकाले आज त्रिवि मैदानमा दर्शकको बाक्लो उपस्थिति रहने र दुवै खेल रोमाञ्चक हुने अपेक्षा गरिएको छ।
दीपावलीको मुख्य दिन आज लक्ष्मी पूजा : धन, समृद्धि र सकारात्मक ऊर्जाको कामनासहित घरघरमा दीप प्रज्वलन गरिदै
चाडपर्वलक्षित भिडिआ सन्देशमा प्रभु साहले भने : अहिले सत्य दबिएको र असत्य हाबी छ
६ हजार ५०० खेलाडीको स्वागतमा कर्णाली तयार, दशौँ राष्ट्रिय खेलकुदका लागि सुरक्षा र आवास व्यवस्थापन तीव्र
१८ करोडको आरोपले कांग्रेसभित्र नयाँ विवाद
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन