सदरमुकाम चामेमा शनिबार रातिको बाढीले एक चर्च सहित चार घर बगाएको छ भने दुई घरमा आंशिक क्षति पुगेको छ, चार पुल बगाएको छ भने विद्युत सेवा अवरुद्ध रहेको जिल्ला प्रशासन कार्यालयका मनाङका सहायक प्रमुख जिल्ला अधिकारी कृष्णप्रसाद पौडेलले बताए । उनका अनुसार सडक तथा सञ्चार संरचनामा समेत क्षति पुगेको छ ।
सप्रजिअ पौडेलका अनुसार बाढीपछि नार्पाभूमि र मनाङ ङिस्याङ गाउँपालिका सञ्चार सम्पर्कविहीन बन्न पुगेका छन् । उनले भने, ‘वेपत्ता भएका मानिसको संख्या एकिन हुन सकेको छैन । १० जना भन्ने अनुमान हो, दुईवटा टोली गएको रहेछ । यौटा टोली फर्कदै छ भन्ने खबर छ । उनीहरूसँग सम्पर्कमा आएपछि सबै खुल्ने छ ।’
सम्पर्क विहीन भएका मानिस खोज्न गएको हेली मौसम खराब भएर फर्कियो, अर्को तयारी अवस्थामा छ तर मौसमका कारणले त्यसतर्फ जान सकेको छैन प्रमुख जिल्ला अधिकारी मुक्तिप्रसाद खनालले बताए । उनका अनुसार त्यो क्षेत्रमा सम्पर्क भएका मानिस ८, १०, १३, २० भन्ने फरक फरक सूचना आएको छ । तर आधिकारिक पुष्टि हुने सकेको छैन । हामी एकिन सूचनाको पर्खाईमा छौं प्रजिअ खनालले बताए ।
चामे गाउँपालिका– ४ को ठाठो खोलाहरूमा शनिबार राति आएको बाढीले त्यो खेलाको किनारमा रहेका ४ घर बगाएको हो । बग्नेमा यौटा चर्च समेत रहेको जानकारीमा आएको छ प्रजिअ खनालले भने । उनका अनुसार दुई घरमा आंशिक क्षति पुगेको छ ।
उनले भने, ‘बाढीले चामे बजारबीच भएर बग्ने घट्टेखोलाको पुल, कोतोबाट चामे आउने तिर्चुङाल्डाको पुल, नयाँबजारतर्फको पुलसमेत चार वटा पुल बगाएको छ । उनले भने, ‘पुल बगेपछि कर्मचारी, सुरक्षाकर्मी तथा स्थानीयलाई आवत जावत गर्न समस्या भएको छ ।’
पछिल्लो स्थितिमा पानी पर्न बन्द भएको छ । स्थिति सुध्रने आशामा छौं जिल्ला प्रहरी कार्यालयका प्रहरी निरीक्षक विनोद बोहराले भने । उनका अनुसार मनाङको नासों गाउँपालिकामा सडक तथा झोलुंगे पुल बगाएको छ । माथिल्लो मनाङको मनाङ ङिस्याङ गाउँपालिका र नार्पा भूमि गाउँपालिकामा सञ्चार सम्पर्क हुन सकेको छैन उनले भने । विद्युत सेवासमेत बन्द भएको हुँदा मोवाइल समेत जिल्ला प्रशासन कार्यालयको सोलारबाट गर्नु परेको उनले जानकारी दिए ।
नासों गाउँपालिका– १ को मनाङको प्रवेश नाका रहेको ताल गाउँमा १० घर डुवानमा परेको खबर प्राप्त भएको प्रहरी निरीक्षक बोहराले जनाकारी दिए । उनका अनुसार सम्बन्धित सबै क्षेत्रमा उद्धारका लागि प्रहरीले नेपाली सेना, सशस्त्र, स्थानीयसँग मिलेर संयुक्त रुपमा प्रयास गरिरहेको छ ।
कांग्रेस महाधिवेशनमा तोकिएको शुल्कभन्दा बढी रकम नलिन निर्देशन
चोलेन्द्रसँग भेट्न नदिएको भन्दै आयोगद्वारा खेद प्रकट, प्रहरीलाई कारबाही गर्न माग
विपद्मा परी हालसम्म १५ जनाको मृत्यु
रास्वपाद्धारा सांसदको स्वकीय सचिवहरूका लागि अभिमुखीकरण कार्यक्रम
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन