काठमाडौं, १० असोज ।। नेपाली कांग्रेस संस्थापन इतर पक्ष (शेरबहादुर देउवा पक्ष) ले पार्टीको १५ औँ महाधिवेशन २१ मंसिरदेखि २३ मंसिरसम्म गर्ने भएको छ ।
शनिबार पार्टी सम्पर्क कार्यालय चुनदेवीमा आयोजित पत्रकार सम्मेलनका क्रममा पार्टीका नेता डा. प्रकाशशरण महतले सो जानकारी दिएका हुन् ।
‘केन्द्रीय महाधिवेशन मंसिर २१, २२ र २३ गते सम्पन्न गर्ने तयारी छ । हामीले एकताको महाधिवेशनका लागि प्रयास गरेका थियौँ । त्यसका लागि सबै ढोका खुला राखेर प्रयास गर्दा पनि सम्भव नभएपछि छोटो समयमै अधिवेशन सम्पन्न गर्नुपर्ने अवस्था आएको छ,’ उनले भने ।
उनले १५ असोजबाट वडा अधिवेशन सुरु हुने बताए । उनले एकताको महाधिवेशनका लागि प्रयास गरे पनि सम्भव नभएपछि छोटो समयमै अधिवेशन सम्पन्न गर्नुपर्ने अवस्था आएको जिकिर गरे ।
वर्षाका कारण कुनै वडामा १५ असोजमा अधिवेशन सम्पन्न हुन नसके सम्बन्धित निर्वाचन अधिकृतले जिल्ला संयोजन समिति र जिल्ला समितिसँगको सल्लाहमा आवश्यक निर्णय गर्ने र त्यस्ता वडामा स्थानीय परिस्थितिअनुसार १६ वा १७ असोजसम्म अधिवेशन सम्पन्न गर्न सकिने महतले जानकारी दिए ।
पछिल्ला दिनमा भएको व्यापक वर्षाका कारण केही काममा ढिलाइ भए पनि केन्द्रीय कार्यालयबाट गर्नुपर्ने तयारी अघि बढिरहेको उनले बताए ।
महतका अनुसार निर्वाचन समितिमार्फत निर्वाचन अधिकृतहरू एक–दुई दिनमै जिल्लामा पुग्नेछन् । सम्भव भएसम्म स्थानीय वकिल, पूर्वशिक्षक तथा निर्वाचन सम्पन्न गर्ने अनुभव भएका व्यक्तिहरूको सहयोग लिएर अधिवेशन छिटोछरितो रूपमा सम्पन्न गरिनेछ ।
इटालीको गाउँदेखि भारतीय सत्ताको केन्द्रसम्म : सोनिया गान्धीको प्रेम, त्याग र संघर्षको कथा
प्रकृति, कृषि र श्रमको सम्मान गर्ने पर्व गोवर्धन पूजा आज, गोरु र हलीदेखि बलि राजासम्मको आराधना
हिन्दूविरोधी साम्प्रदायिक आधार खडा गर्ने रास्वपा सांसद आसिका तामाङलाई कारवाही गर्न विकेश साहको माग
प्रेम सम्बन्ध लुकाउन प्रेमीसँग मिलेर श्रीमान्कै हत्या ! तिहारको रात मोरङमा यस्तो भयो दर्दनाक घटना
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन