काठमाडौं, २६ असोज । नेपाल टेलिकमले नेपालीहरूको महान् चाड दसैँ, तिहार तथा छठपर्वका अवसरमा आफ्ना ग्राहकहरूका लागि विशेष फेस्टिभ अफर सार्वजनिक गरेको छ।
अफरअन्तर्गत तीव्र गतिको इन्टरनेट (एफटीटीएच) जडानमा आकर्षक छुटका साथै जीएसएम प्रिपेड र पोस्टपेड मोबाइल प्रयोगकर्ताका लागि सहुलियत दरका डेटा, भ्वाइस र एसएमएस प्याकेजहरू उपलब्ध गराइएको कम्पनीले जनाएको छ।
टेलिकमले सार्वजनिक गरेका मुख्य–मुख्य अफरहरू यस प्रकार छन्:
एफटीटीएच (इन्टरनेट) अफर : जडान शुल्क मिनाहा र बोनस
निःशुल्क जडान: असोज २५ देखि कात्तिक ३० गतेसम्म नयाँ एफटीटीएच जडान गर्ने ग्राहकको ५ सय रुपैयाँ जडान शुल्क पूर्ण रूपमा मिनाहा गरिएको छ।
१३ महिनाको प्याकेज: १००, १५० र २०० एमबीपीएसका नयाँ वार्षिक प्याकेज खरिद गर्ने ग्राहकलाई १ महिना थप गरी कुल १३ महिनाको इन्टरनेट सुविधा दिइनेछ। यससँगै प्राप्त हुने बोनस मोबाइल डेटा पनि १३ महिनासम्म नै उपभोग गर्न सकिनेछ।
सेट-टप बक्समा छुट: भर्चुअल सेट–टप बक्ससहितको प्याकेज लिने ग्राहकले यसअघिदेखि नै १ हजार रुपैयाँ छुट पाउँदै आएका छन्।
जीएसएम मोबाइल सेवा : अनलिमिटेड डेटा र सस्तो कल
मोबाइल प्रयोगकर्ताका लागि ३० दिन समयावधि रहने गरी निम्न प्याकेजहरू ल्याइएको छ:
फेस्टिभल अनलिमिटेड डेटा (रू. ४९९): यसमा दैनिक ५ जीबी डेटा पाइनेछ। दैनिक कोटा सकिएपछि पनि २ एमबीपीएसको गतिमा महिनाभर अनलिमिटेड इन्टरनेट चलाउन सकिनेछ।
फेस्टिभल अनलिमिटेड प्रिमियम डेटा (रू. ६९९): यसमा दैनिक १० जीबी डेटा पाइनेछ। तोकिएको कोटा सकिएपछि ३ एमबीपीएसको गतिमा महिनाभर अनलिमिटेड इन्टरनेट चलाउन सकिनेछ।
जोयफुल मिनेट्स (भ्वाइस प्याक - रू. २५०): नेपालका जुनसुकै नेटवर्कमा कुरा गर्न सकिने (अल-नेट) १ हजार मिनेट टक-टाइम।
फेस्टिभ म्यासेज प्याक (रू. ९९): नेपाल टेलिकमकै नेटवर्कभित्र पठाउन मिल्ने (अन-नेट) १ हजार एसएमएस।
कसरी लिने सुविधा?
मोबाइल प्याकेजहरू आगामी असोज ३० देखि कात्तिक ३० गतेसम्म खरिद गर्न सकिनेछ। ग्राहकले आफ्नो मोबाइलबाट *1415*11# डायल गरेर वा ‘नेपाल टेलिकम एप’ मार्फत सहजै यी प्याकेजहरू सुचारु गर्न सक्नेछन्।
चाडपर्वका बेला आफन्त र परिवारजनसँग निरन्तर सम्पर्कमा रहन र खुसी साटासाट गर्न यी सहुलियतपूर्ण प्याकेजहरू निकै उपयोगी हुने विश्वास टेलिकमले लिएको छ।
आगो लगाउनु र लुटपाट गर्नु आन्दोलन होइन : ओली
पदाधिकारीमा प्रदीप पौडेलको सर्वाधिक मत, चन्द्रकान्त र विनोद चौधरीसहित ६ प्रभावशाली नेता विजयी (नतिजासहित)
श्रमिकलाई एक महिनाको आधारभूत तलबबराबर चाडपर्व खर्च अनिवार्य दिन विभागको निर्देशन, नदिए उजुरी गर्न आग्रह
गृहमन्त्री गुरुङ किन गए भारत ? यस्तो छ कारण
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन