काठमाडौं, २ मंसिर । पूर्वाधार विकास मन्त्रालयले कार्यालयमा अनुपस्थित भएको तथा स्वीकृतिबिना बिदामा बसेको कसुरमा सात जना इन्जिनियरलाई सरकारी सेवाबाट हटाएको छ।
मन्त्रालयले नेपाल इन्जिनियरिङ सेवा, सिभिल इन्जिनियरिङ समूह, बिल्डिङ एन्ड आर्किटेक्ट उपसमूहका राजपत्रांकित तृतीय श्रेणीका सात जना इन्जिनियरलाई सेवाबाट हटाउने निर्णय गरेको हो।
सेवाबाट हटाइएकामध्ये छ जना लामो समयसम्म कार्यालयमा हाजिर नभएको कसुरमा कारबाहीमा परेका छन् भने एक जनालाई स्वीकृत नगराई बिदामा बसेको कसुरमा सेवाबाट हटाइएको मन्त्रालयले सार्वजनिक गरेको सूचनामा उल्लेख छ।
कार्यालयमा हाजिर नभएको कसुरमा सेवाबाट हटाइएकामा पुजन न्यौपाने, सृष्टि भुषाल, सम्योग श्रेष्ठ, आस्था आचार्य, नरेश थापा र रमेशप्रसाद पौडेल रहेका छन्।
त्यस्तै, स्वीकृति नलिई बिदामा बसेको कसुरमा पदमेन्द्रप्रसाद श्रेष्ठलाई पनि सरकारी सेवाबाट हटाइएको छ।
मन्त्रालयले २०८३ कात्तिक २० गतेको निर्णयअनुसार उनीहरूलाई सेवाबाट हटाएको हो। मन्त्रालयले सार्वजनिक गरेको सूचनामा उनीहरूलाई भविष्यमा सरकारी सेवाका निम्ति अयोग्य नठहरिने गरी सेवाबाट हटाइएको उल्लेख छ।
यस निर्णयअनुसार सातै जना इन्जिनियर सरकारी सेवाबाट अलग भए पनि भविष्यमा सरकारी सेवामा प्रवेश गर्न अयोग्य हुने गरी प्रतिबन्ध लगाइएको छैन।
सरकारी कर्मचारीले आफ्नो जिम्मेवारीअनुसार नियमित रूपमा कार्यालयमा उपस्थित भई सेवा प्रवाह गर्नुपर्ने र बिदामा बस्नुपरेमा सम्बन्धित निकायबाट स्वीकृति लिनुपर्ने व्यवस्था छ। कार्यालयमा अनुपस्थित हुने वा स्वीकृतिबिना बिदामा बस्ने कर्मचारीमाथि प्रचलित निजामती सेवा कानुन तथा कर्मचारी आचरणसम्बन्धी व्यवस्थाअनुसार कारबाही हुने गर्छ।
पूर्वाधार विकासजस्तो प्रत्यक्ष रूपमा सार्वजनिक सेवा, निर्माण तथा विकास आयोजनासँग जोडिएको मन्त्रालयका इन्जिनियरहरू सेवाबाट हटाइएपछि कर्मचारीको जिम्मेवारी, कार्यालयमा नियमित उपस्थिति र प्रशासनिक अनुशासनको विषय पुनः चर्चामा आएको छ।











आईजीपीबाट हटाइएका दानबहादुर कार्कीको रिटमा सर्वोच्चले दिएन अन्तरिम आदेश, सरकारसँग माग्यो जवाफ
काठमाडौं-तराई/मधेस फास्ट ट्र्याकको महादेवटार सुरुङ छिचोलियो, राष्ट्रपति पौडेलको उपस्थितिमा ब्रेक थ्रु
स्थानीय निर्वाचनको तयारीमा एमाले, आजदेखि दुईदिने राष्ट्रिय भेला सुरु
प्रधानमन्त्री वालेन्द्र शाहको भारत भ्रमण : किन हुदैछ दुई दिनमा सीमित गर्ने तयारी
टिप्पणीहरू
0 प्रकाशित टिप्पणीटिप्पणी र Like गर्न निःशुल्क सदस्य खाता आवश्यक छ।
खाता बनाउनुहोस्लगइन